Arlutz - Zaraia - Aranguren

Distancia recorrida: 13,48 kilómetros

Altitud min: 500 metros, max: 1.141 metros

Desnivel acum. subiendo: 874 metros, bajando: 870 metros

Grado de dificultad:  Fácil

Araba eta Gipuzkoa artean kokatzen da Kurtzebarriko mendi multzoa. Degurixa eta Leixargarate artean kokatzen diren hainbat gailur bisitatzeko asmoarekin ekin genion txango interesgarri honi.

Mendiola auzo atxabaltarretik hasiko dugu gaurko ibilbidea. Bertara heltzeko, Aretxabaleta herritik mendiolara doan bidea hartuko dugu eta auzoaren hasieran dagoen errotondara helduta eskumara irtetzen den bidea hartuko dugu, bertatik dagoen parkinera edota "kastrokulo" bezala ezagutzen den baserrira helduko gara, bertan kotxea uzteko aukera izango dugularik.

Kurtzebarrira doan bidea jarraituko dugu pista zabal batetik. UDAk eta murrukixo mendi elkarteak daukan iturrira helduta, kurtzebarriren ipar aurpegia eskumatik inguratzen duen bidea jarraitzen dugu. Kurtzebarrira doan desbiora heldu aurretik, eskumaldera aranguren mendirutz irtetzen den xenda arrastroairi ekingo diogu, arlutzeko maldetatik gora doan bidetik, gure begien aurrean arlutzeko gailur-bizkiak agertzen direlarik.

kurtzebarri eta aretxabaleta

Arlutzeko gandorrera heltzen gara. Hegoaldeko ikuspegia zabala da, Gasteiz ere ikusten delarik. Hemendik eta hego norabidea jarraituz, Arlutz eta Elgeako mendizerra banatzen dituen mendi tontorrera ekingo diogu. Txabola batzuk pasa ostean, ezkerreko bidea jarraituko dugu egungo bigarren gailurra burutzeko: Zaraia.

Hemendik, mugarriluze mendi egiteko aukera ere badago. Horretarako hego norabidea jarraituz eta leixargarateko parajetik igaroz, ehun bat metroko desnibela bete beharko dugu mugarriluzeko gailurrera heltzeko. Errota eolikoek nahiko desitxuratu dute mendi polit honen gailurra. Guk aldiz, ipar norabidea jarraituko dugu, egin dugun bidea deseginez, Mugarriluzera heltzeko txango luzea zamarra baita.

Joandako bidetik bueltan eta Arlutz mendi igaro ostean, eskuman agertzen den tontor kalizoari ekingo diogu: Aranguren. Beti iparraldeko norabidea jarraituz eta bidera jaitsi barik, hitoak jarraituko ditugu Aranguren eta elorretako-haitza bereizten dituen lepora heltzeko. 

Bidea jarraituz, pistatik behera kutzebarritik eta arlutzekin datozen xendekin bat egin eta behera egingo dugu, joandako bidea jarraituz, Mendiolako auzora helduko gara ordu eskasean gure txangoa burutuz.